Vllaznia ka arritur të fitoj me rezultatin 2-0, miqësoren e luajtur ditën e sotme, ndaj Besëlidhjes në Lezhë.
Kjo miqësore është zhvilluar me qëllim që skuadrat të ruajnë formë e tyre, pas ndërprerjes së kampionateve, për shkak të tërmetit që goditi vendin në mëngjesin e 26 nëntorit.
Ekipi shkodran ka shënuar nga një gol në çdo pjesë dhe kështu ka triumfuar ndaj Besëlidhjes.
Vllaznia kaloi në avantazh në minutën e 37-të me anë të Shtubinës, duke e mbyllur pjesën e parë me rezultatin 1-0.
Ndërkaq në të dytën ishte Pusi ai që shënoi golin që vulosi rezultatin për ekipin e tij në minutën e 80-të të kësaj sfide.
