Eduard Rroca ka shënuar golin më të bukur të javës së 16-të pas një aksioni fantastik që lindi nga këmbët e tij dhe u finalizua po nga ai në kombinimin që pati me Ethemin.
Në minutën e 9-të të ndeshjes në Shkodër, Rroca rikuperon një top në mesfushë i ndodhur 60 metra larg portës. Më pas futet në driblim, duke kaluar dy kundërshtarë dhe shërbyer te Ethemi. Ky i fundit menjëherë i kthen topin Rrocës, që vrapon në zonë dhe pasi driblon portierin, e çon topin në rrjetë.
