Liverpuli ka apeluar te Liga Profesioniste e kampionatit anglez për vendosjen e logos së Botërorit të Klubeve që nga viti 2020 në fanelat e saj gjatë ndeshjeve të Premier Ligës.
Rregullorja e kampionatit nuk lejon që skuadrat të sjellin fanela me ndryshime, vetëm kur bëhet fjalë për të dhënë mesazhe sensibilizuese.
Megjithatë, “Të kuqtë” u kanë kujtuar zyrtarëve të futbollit anglez se Real Madridi është lejuar sa herë që ka fituar Botërorin e Klubeve të ndryshojë fanelën në mes të sezonit.
Rregullat e ndryshimit të fanelës në mes të sezonit janë tepër strikte në Angli, por skuadra e Jurgen Klop kërkon tashmë që të njihet dhe si kampione e botës në futboll pasi fitoi ndaj Flamengos 1-0 në Katar.
