Arsenali po kalon momente krize, teksa edhe pas largimit të Unai Emerit, skuadra nuk arriti të fitoj kundër Noruiçit, në kampionat.
“Topçinjtë” nëse nuk do të arrijnë dot vendin e katërt, që iu jep të drejtën të marrin pjesë në Ligën e Kampionëve, gjatë verës do të detyrohen të shesin yjet e tyre.
Këtë e raporton “Daily Mail”, që bën me dije se Pier-Emerik Obamejang dhe Aleksandër Lakazet me shumë mundësi do largohen nga klubi londinez, në rast se Liga e Kampionëve nuk arrihet.
Të dy sulmuesit janë nga të paktët që biën në sy tek Arsenali dhe që tani kanë nisur kontaktet nga klubet e mëdha. Talenti dhe klasi i tyre është i padiskutueshëm, kështu që Arsenali do kujdeset për çmimin e lartë të kartonëve.
