Asnjë gol në “El Clasico” të Spanjës mes Barcelonës dhe Real Madrid, por spektakli nuk mungoi aspak. Të shumta ishin shanset për gol nga të dyja skuadrat, me Los Blancos të shfaqur në tërësi më kërkues. Sikurse në çdo përballje të mëparshme mes tyre, edhe në “El Clasico” e fundit, situata u nxeh shpejt, si në fushë ashtu edhe jashtë.
Tifozët katalanas kanë sulmuar fuqishëm kapitenin e madrilenëve, Sergio Ramos. I kontestuar mes vërshëllimave dhe ofendimeve pa fund, Sergio Ramos u desh të gjente mbrojtje pikërisht nga kundërshtari i tij, Gerard Pique. Qendërmbrojtësi blaugrana u kërkoi hapur tifozëve të ndalnin sulmin e tyre ndaj Ramos, në shenjë të pastër Fair-Play.
