Largimi i Arturo Vidalit nga Barcelona mund të bëhet realitet së shpejti.
Mosaktivizimi si titullar në “El Klasikon” e sotme përballë Real Madridit e ka acaruar tejmase kilianin, i cili braktisi i acaruar stërvitjen e fundit të katalanasve.
“ESPN” raporton se 32-vjeçari nuk e ka pritur aspak mirë lajmin nga trajneri i tij Ernesto Valverde se nuk do të jetë formacionin titullar.
Ish-futbollisti i Juventusit dhe Bajernit të Mynihut është aktivizuar si titullar vetëm 5 herë në këtë sezon dhe injorimi i vazhdueshëm nga tekniku Valverde e ka indinjuar pa masë. Mediat e huaja përflasin se Vidal do të transferohet në formë huazimi te Interi gjatë merkatos së janarit.
