Manchester City mund t’i habisë të gjithë duke blerë në janar mbrojtësin e Athletico Bilbaos, Unai Nunez. Nuk flitet për një blerje të madhe me shifra të çmendura, pasi 22-vjeçari mund t’u kushtojë “Qytetarëve” vetëm 26 milionë euro.
Football Insider shkruan se lojtari i ri ka bindur Pep Guardiolën t’i ofrojë një kontratë sidomos pas paraqitjes fantastike ndaj Real Madridit. Spanjolli luajti për 90 minuta dhe ndali Benzemanë e Balen, por ajo që bie në sy jane statistikat e dobëta të lojtarit.
Lojtari ka luajtur 6 ndeshje këtë sezon nga të cilat 5 si titullar. Ai ka qëndruar 13 ndeshje në stol, ndërsa interesimi për të duket pak i çuditshëm. Media në fjalë pretendon se për Nunez janë të interesuara dhe Arsenali, Evertoni dhe Bayern Munchen. Nunez ka qenë një lojtar stoli dhe sezonin e kaluar.