Arturo Vidal është një nga objektivat e mëdha të Interit për merkaton e janarit, teksa Antonio Konte e dëshiron me çdo kusht në ekipin e tij.
Mesfushori kilian nuk po gjen shumë hapësira te Bracelona dhe mundësitë që të largohet në merkaton e janarit janë të mëdha.
Megjithatë përveç Interit, sipas asaj që shkruan “Corriere dello Sport”, në garë për të marrë shërbimet e Vidal është futur edhe Juventusi. Thuhet se Paratiçi ka nisur kontaktet me drejtuesit e Bracelonës, për të rikthyer përsëri në Torino 32-vjeçarin.
Madje raportohet se italianët kanë ofruar në shkëmbim edhe shërbimet e Emre Xhan, me këtë të fundit që nuk është në planet e trajnerit Mauricio Sarri.
Me dy ekipet italiane që dëshirojnë ta kenë në skuadrat e tyre, tashmë do të jetë Vidal ai i cili do të vendosë se ku dëshiron ta vazhdojë karrierën e tij.
