Në orën 19:00 do të luhet derbi i kryeqytetit, i vlefshëm për javën e 15-të të Kategorisë Superiore, mes Partizanit dhe Tiranës, por ai ka nisur të ndizet që në orën 15:00.
Ashtu siç kishin lajmëruar, tifogrupi i Tiranës, “Tirona Fanatics”, që prej orës 3 të drekës janë mbledhur në qendër të qytetit, në Sheshin “Skënderbej”. Një numër i lartë tifozësh, pas grumbullimit në qendër, janë nisur më pas edhe drejt stadiumit “Air Albania” ku do të luhet takimi.