Ndonëse merkato do edhe pak kohë të hapet, te Interi kanë filluar të mendojnë për lëvizjet që do të bëjnë në ekip.
Drejtuesit zikaltër po ndjekin disa lojtarë, të cilët do të përpiqen t’i transferojnë në merkaton e ardhshme. Një nga lojtarët që Interi po ndjek me kujdes është edhe Sandro Tonali, i cili gjithashtu është edhe një objektiv i Juventusit.
Talenti italian ka treguar paraqitje të shkëlqyera me Breshën, dhe tashmë atë e ndjekin disa nga skuadrat e mëdha. Sipas asaj që shkruan “La Gazzetta dello Sport”, Tonali pëlqehet shumë nga Interi, dhe në janar pritet të nisin një ofertë në drejtim të tij, për ta vendosur nën urdhrat e Kontes.