Dy futbollistët shqiptarë, Ardijan Ismajli dhe Françesko Tahiraj u aktivizuan titullarë në triumfin 2-1 që Hajduku i Splitit arriti të shtëpi ndaj Istrës.
Miqtë kaluan të parët në avantazh në minutën e 43-të, me anë të Fintiç, ndërkohë që vendasit e Hajdukut përmbysën gjithçka falë dopietës së Caktas në minutat 62 dhe 69.
Duhet theksuar se si Ismajli dhe Tahiraj qëndruan në fushë gjatë gjithë takimit, duke bërë një paraqitje tepër të kënaqshme. Mesfushori vlonjat u ndëshkua me karton të verdhë në minutën e 11-të.
Me triumfin e sotëm, skuadra e shqiptarëve u ngjit përkohësisht në vendin e dytë me 35 pikë në 19 ndeshje, 9 më pak se kryesuesit e Dinamos së Zagrebit.
