Tirana ka mposhtur Flamurtarin me rezultatin 2-0 në sfidën e vlefshme për javën e 16-të të Kategorisë Superiore.
Golat e Idriz Bathës dhe Torasës i dhuruan fitoren e dytë radhazi në pak ditë skuadrës së drejtuar nga Emanuel Egbo, e cila është ngjitur në kuotën e 25 pikëve, po aq sa kampionët e Partizanit.
Një fitore jo shumë e thjeshtë kjo e sotmja për kryeqytetasit, të cilët zhbllokuan shifrat në minutën e 65-të nga pika e bardhë e penalltisë me Bathën, ndërkohë që argjentinasi Torasa vulosi fitoren. Në sfidën e radhës Tirana do të jetë mysafire në Laç, ndërkohë që Flamurtari pret Teutën në shtëpi!
