Një ngjarje e paprecedentë u regjistrua në ndeshjen e djeshme mes Fiorentinës dhe Interit që përfundoi në barazim 1-1. Në pjesën e parë, realizuan me anë të Lautaro Martinez, por goli u anulua nga VAR për pozicion jashtë lojës.
Në këto moment, një vogëlush 10-vjeçar, i cili ndodhej në sektorin e tifozëve të Fiorentinës, së bashku me babain e tij, u çua në këmbë duke brohoritur. Ky moment nuk u prit aspak mirë nga tifozët vjollcë, të cilët e ofenduan djaloshin së bashku me babin e tij.
Ky incident i ka lënë një shije tepër të hidhur, Melisa Satës, bashkëshortes së Kevin-Prince Boateng, e cila ka reaguar në “Instagram”, duke sulmuar tifozët e Fiorentinës.
“Pyes veten … a nuk keni turp të bëni një fëmijë 10-vjeçar të qajë dhe frikësohet vetëm, sepse ai brohoriti për ekipin e tij të preferuar? Më vjen keq por nuk ju quaj tifozë, tifozët janë ata që respektojnë mbështetjen, unë ju quaj injorantë”, shkruan veç të tjerash Melisa Sata.
Pas situatës të tensionuar që u krijua, babai dhe djali u zhvendosën nga disa menaxherë të Fiorentinës në një sektor tjetër, duke u përpjekur të qetësojnë fëmijën që u tromaks nga reagimi tepër i ashpër.