Lukas Torreira ishte një nga lojtarët më të kërkuar nga Milani në verë, si një dëshirë e madhe e trajnerit Xhamapolo, i cili u shkarkua në tetor për shkak të rezultateve të dobëta të arritura.
Mesfushori uruguaian nuk po gjen hapësira të shumta te Arsenali, dhe në janar mund t’i japë lamtumirën anglezëve. Interesimet për Torreirën nuk mungojnë, me Napolin dhe Milanin që do të përpiqen ta afrojnë në ekipet e tyre respektive.
Kuqezinjtë kishin nisur kontaktet që në verë me futbollistin, por asokohe nuk ia dolën të arrijnë një marrëveshje. Tashmë kur edhe vetë futbollisti e shikon se te Arsenali nuk ka shumë hapësira, Milani mund të nisë një sulm për ta afruar në skuadër.
