Lautaro Martinez po kalon një formë të shkëlqyer te Interi këtë sezon, teksa në 19 ndeshje të zhvilluara deri tani në të gjitha kompeticionet, ka aritur të shënojë 13 gola.
Sulmuesi ndiqet prej kohësh nga Bracelona, më spanjollët që e shohin argjentinasin si zëvendësuesin ideal të Luis Suarez.
Ky i fundit nuk është në formën e tij më të mirë dhe për këtë arsye katalanasit po shikojnë për lojtarë të tjerë në atë repart. Lautaro është përshtatur me Mesin shumë mirë te Argjentinas, dhe drejtuesit e Barcelonës dëshirojnë t’i bëjnë ata bashkë edhe te klubi katalanas.
Sipas asaj që shkruan “Don Balon”, spanjollët e duan me çdo kusht futbollistin zikaltër në ekip, dhe kanë gati ofertën. Barcelona po mendon të ofrojë 70 milionë euro plus shërbimet e Arturo Vidal, me shpresën se Interi do ta pranojë këtë ofertë për Lautaron.
