Te Reali i Madridit janë të bindur se nuk ka nevojë për ndërhyrje në skuadër gjatë merkatos së muajit të ardhshëm, pavarësisht shenjës së barazimit në tri ndeshjet e fundit në La Liga.
Zidan e bëri të qartë në konferencën për shtyp pas barazimit 0-0 me Bilbaon se ai i beson skuadrës së tij aktuale dhe “Los Blancos” nuk do të përforcohen në repartin e avancuar. Mediat madrilene raportojnë se edhe klubi është në sintoni të plotë me mendimin e teknikut francez dhe se problemi i skuadrës së tyre është vetëm psikologjik, sepse golat do të vijnë.
Ata mendojnë se Benzema nuk duhet të jetë i vetmi futbollist nga i cili pritet të prodhohen golat. Më shumë pritet nga Bejli, i cili është kritikuar shumë gjatë javëve të fundit, ndërsa pritet edhe rikthimi i Hazardit nga dëmtimi, por edhe zhbllokimi i Joviçit
