Granit Xhaka ka zënë vend në formacionin e parë të Arsenalit për ndeshjen kundër Evertonit, ku Mikel Arteta do të debutojë si trajneri i ri i Topçinjve, përderisa Carlo Ancelotti do ta shikojë skuadrën e tij të re nga tribuna.
Evertoni i drejtuar nga trajneri i përkohshëm Duncan Ferguson do ta presë sot në orën 13:30 skuadrën e Arsenalit, të drejtuar nga trajneri i ri Mikel Arteta, në Goodison Park, në kuadër të javës së 18-të të Premierligës.
Kjo është hera e parë që ish-ndihmëstrajner i Pep Guardiolës në Manchester City, Mikel Arteta, po e drejton skuadrën e Arsenalit në një ndeshje dhe ai ia ka besuar Granit Xhakës një vend në formacionin e parë.
Në anën tjetër, kjo do të jetë ndeshja e fundit për Duncan Ferguson si trajner i përkohshëm i Evertonit, pasi që klubi e ka zyrtarizuar emërimin e Carlo Ancelottit në postin e trajnerit. Italiani do ta ndjekë ndeshjen e sotme nga tribuna.
LIVE/ Everton – Arsenal 0-0
MINUTA 46/ Nis pjesa e dytë
Mbyllet pjesa e parë me porta të paprekura
MINUTA 1/ Nis sfida
