Mohamed Elneny nga fillimi i sezonit aktual luan për turqit e Beshiktashit, ku është i huazuar nga Arsenali.
Megjithatë nga janari karriera e tij pritet të jetë në Serie A, pasi Milani është shumë afër transferimit të tij. Diçka e tillë u njoftua nga vetë babai i futbollsitit, Naser Elneni, i cili në një intervistë të dhënë së fundmi u shpreh: “Bisedimet mes djalit tim dhe Milanit janë në një fazë të avancuar, por kontrata nuk është nënshkruar ende.
Italianët shfaqën interes për Mohamed dhe orët e ardhshme pritet të jenë vendimtare për të nënshkruar me kuqezinjtë. Elneni po bën mirë me Beshikatshin, por ai dëshiron të transferohet në një kampionat të fortë, dhe në një ekip si Milani.”, u shpreh babai i mesfushorit egjiptian.
