Një tifoz 41-vjeçar i Shalke 04 ka ndërruar jetë ditën e djeshme, gjatë kohës kur ishte duke udhëtuar për të ndjekur në stadium ekipin e tij ndaj Volfsburgut.
Një lajm ky shumë i keq për tifozët në stadium, të cilët sapo morën vesh lajmin bënë një gjest të madh.
Gjatë pushimit të pjesëve të para, në altoparlantën e stadiumit u dëgjua lajmi për ndarjen nga jeta të tifozit që ishte nisur për në stadium. Menjëherë pas kësaj, tifozët e Volfsburgut nxorrën një pankartë ku shkruhej: “Prehu në paqe”.
Gjatë gjithë pjesës së dytë, tifozeritë e të dyja skuadrave vendosën që të mos këndonin, por të qëndronin në heshtje, në nder të tifozit të ndarë nga jeta.
