Të gjithëve na ka rastisur të shohim tatuazhe të ‘çmendur’, por tatuazhet e kësaj gjysheje kalojnë çdo kufi të imagjinatës.
Bëhet fjalë për, Vivien Bodycote e cila është një nga fanset më të çmendura të Jose Mourinhos. 62 vjeçarja numëron në trupin e saj plot 38 tatuazhe të dedikuara trajnerit portugez.
Në një intervistë për tabloidët anglezë, tregon se po mendon se cili do të jetë tatuazhi i radhës, sërish me Mourinhon në qendër të vëmendjes.
“Kam shpenzuar mijëra paundë gjatë këtyre viteve, për të bërë tatuazhe për Mourinhon, por ia vlen, pasi e dua dhe do vazhdoj të bëj të tjerë tatuazhe në vijim. Po mendoj se cili do të jetë tatuazhi i radhës”, deklaroi Vivien.
