Milan është poshtëruar me shifrat 5-0 ndaj Atalantës ditën e sotme në transfertë, duke e mbyllur vitin në mënyrën më të turpshme. Një poshtërim i tillë nuk kishte ndodhur që nga viti 1998, ku në atë kohë kuqezinjtë e mbyllnin sezonin në vendin e dhjetë.
Humbja e fundit 5-0 është siç e thamë në vitin 1998 në një përballje ndaj Romës, me “Djallin” që prekte fundin dhe mposhtej me një manita. Rastësia është që edhe këtë sezon Milani renditet në vendin e dhjetë, i njëjti pozicion që mbylli kampionatin në sezonin 97/98, kur është edhe humbja e fundit 5-0.
