Lautaro Martinez ka shpërthyer këtë sezon te Interi në drejtimin e Kontes, teksa në 19 ndeshje të zhvilluara deri tani në të gjitha kompeticionet ka shënuar 13 gola.
Prej kohësh qarkullojnë lajme se Barcelona e kërkon në ekip argjentinasin, për shkak se e shohin si pasardhësin ideal të Luis Suarezit.
Për këtë ka folur edhe Bepe Marota, i cili në një intervistë të dhënë së fundmi është shprehur se dëshirojnë ta mbajnë futbollistin në ekip, por merkato është e paparashikueshme. “Lautaro është një djalë i shkëlqyer, është mirënjohës ndaj Interit dhe është i qetë këtu. Synimi ynë është të përmirësojmë dhe të mbajmë lojtarët tanë më të mirë si Martinez, por merkato është e paparashikushme.
Duhet të kemi parasysh dëshirën e lojtarëve, në fund të fundit janë ata që vendosin se ku duan të shkojnë. Megjithatë, tani nuk është koha për të folur për rinovime apo transferime.”, u shpreh Marota.