Kanë përfunduar tre sfidat në Premier Ligë, të cilat startuan në orën 16:00, aty ku bie në sy fitorja e dytë radhazi e Evertonit të drejtuar nga Karlo Ançeloti.
Trajneri italian duket se ka sjellë “rilindjen” e Evertonit, që ka marrë një fitore tepër të rëndësishme në transfertë ndaj Njukastëllit.
Kalvert-Leuin ishte ai që kaloi në avantazh skuadrën e tij, në minutën e 13-të takimit.
Shar barazoi për vendasit në pjesën e dytë, ndërsa sërish Kalvert Leuin, ka shënuar golin e trepikëshit për ekipin e tij, në minutën e 64-të.
Kjo ishte fitorja e dytë e Evertonin nën drejtimin e Ançelotit. Kështu ekipi nga Liverpuli është ngjitur në vendin e 10-të me 25 pikë.
Ndërkaq Uatfordi ka mundur me rezultatin 3-0 Aston Vilën, ndërsa Sauthemptoni ka barazuar 1-1 në shtëpi me Kristal Palasin.