“Që të jem korrekt, puna e kompleksit është më e rëndësishmja për mua. Por, siç e dinë të gjithë, unë vetëm një stemë i kam marrë Partizanit. Kështu që, jemi në fund, dhe unë po merrem vetë direkt me këtë punë. Shpresoj të ecim mirë. Në fundin e janarit besoj t’i bëjmë ndeshjet atje, por minimalisht të stërvitemi në akademinë tonë”, është shprehur presidenti i Partizanit Gaz Demi, në një prononcim për mediat, mbi kompleksin e ri të klubit të kuq, para disa ditësh.
Dhe duket se punimet po shkojnë shumë mirë, me aq sa tregojnë pamjet që ka publikuar vetë klubi në faqen zyrtare në “Instagram”.
Nga pamjet e publikuara duken ambientet e brendshme të kompleksit, që do të grumbulloj ekipin, i cili prej vitesh endet, për të kryer stërvitjet dhe përgatitjet.
