Ndeshja e sotme në kampionatin gjerman midis Shalke 04 dhe Eintrahtit të Frankfurtit do të mbahet mend për episodin e tmerrshëm të minutës së 66-ë të takimit.
Portieri i Shalkes Aleksandër Nubel shkaktoi një ndërhyrje horror ndaj futbollistit kundërshtar Mijat Gaçinoviç duke e goditur me takë në fytyrë. Duke parë se sulmuesi serb ishte në pozicion të pastër për të shënuar gol dhe nuk markohej nga asnjë prej kundërshtarëve, portieri gjerman del nga zona dhe ndërhyn në mënyrë brutale ndaj rivalit duke e përplasur në tapet. Gaçinoviç ka pësuar hemorragji në gojë. Arbitri nuk është menduar dy herë dhe akorduar direkt kartonin e kuq.
Ndërhyrja horror e Nubel i ktheu të gjithë tifozët 37 vite më parë në Kupën e Botës së Spanjës, kur bashkëkombasi i Aleksandër Nubel, Harald Shumaker për pak sa la të vdekur në fushë futbollistin e Francës Patrik Batiston. Skena është identike, ndërsa ndryshimi i vetëm është se Batiston ra në koma dhe iu thyen disa dhëmbë nga përplasja. Ish-portieri i Gjermanisë Perëndimore në vitet ’80 ironizoi Batistonin pas asaj ndërhyrje mostruoze se do t’i paguante dhëmbët.
Pas tërheqjes nga futbolli, Shumaker pranoi se ka konsumuar gjatë karrierës substanca narkotike.
https://www.youtube.com/watch?v=HZwBsiGRyzc&feature=emb_err_watch_on_yt
