Mauro Icardi beson se Inter e meritonte një vend në fazën e nokautit të Champions League megjithëse u eliminua të martën.
Sulmuesi argjentinas Icardi ka shënuar golin e katërt në fazën e grupeve teksa ekipi i Spalletti-t barazoi 1-1 me PSV në San Siro.
“Na duhej fitorja, pësuam një gol në pjesën e parë dhe më pas patëm shumë mundësi shënimi, por nuk mund të bënim dy gola,” shprehet ai për Sky.
“E meritonim kualifikimin sepse kemi treguar se mund të përballemi me këdo.”
Inter do të presë Udinese-n të shtunën, pasi është 14 pikë larg Juventus-it pasi u mposht nga Bardhezinjtë 1-0 gjatë fundjavës së kaluar.
