Juventusi ka publikuar listën e lojtarëve të grumbulluar për finalen e Superkupës kundër Lazios. Sfida do të luhet ditën e diel, prej orës 17:45, në Riad të Arabisë Saudite. Ekipi juventin kërkon të fitojë trofeun e parë nën udhëheqjen e trajnerit Maurizio Sarri.
Rikthimi më i bujshëm është ai i Chiellinit. Mbrojtësi nuk është ende gati, por trajneri Sarri e ka marrë për të ndihmuar skuadrën në pankinë dhe në dhomat e zhveshjes. Emri tjetër që rikthehet nga dëmtimi është Szczesny. Ky i fundit nuk luajti në ndeshjen e fundit kundër Sapmdorias, pasi ishte i dëmtuar.
Sarri ka grumbulluar 24 lojtarë duke u dhënë mundësi pjesës më të madhe të ekipit të shijoj një trofe të mundshëm. Pjesë e listës është dhe sulmuesi Pjaca. Ronaldo, Higuain dhe Dybala nuk mund të mungojnë.