Barcelona nuk është klienti i vetëm që interesohet për shërbimet e sulmuesit të Interit Lautaro Martinez. Mediat e huaja shtojnë se në mes është futur dhe Mançester Siti. “Qytetarët” njihen për shpenzimet e çmendura në merkato dhe nuk do ta kenë problem të shpenzojnë një shifër të madhe për 22-vjeçarin argjentinas.
Kostoja e Lautaros përllogaritet të jetë rreth 110 milionë € dhe Interi do të mendohet për sa i përket çmimit të shitjes së Lautaros.
Nga ana tjetër edhe Mançester Junajtir kanë shprehur simpati për Lautaron, por katalanasit kanë nisur bisedimet me palën zikaltër për të sjellë në Spanjë Lautaron.