Futbollisti i njohur nga Kosova Liridon Krasniqi është kthyer nga Malajzia për të kaluar në vendlindje pushimet e fundvitit.
Por, 27-vjeçari është ndalur ditën e djeshme në Shqipëri për të takuar dhe ndihmuar 30 familje të prekura nga tërmeti shkatërrimtar i 26 nëntorit.
Mësohet se ai ka ofruar ndihma financiare për këto familje në Bubq të Durrësit. Ai ishte i shoqëruar nga aktori i njohur Bes Kallaku.
Krasniqi premtoi se do të kthehet sërish në Shqipëri gjatë pushimev të verës për të ndihmuar familjet e prekura nga tërmeti.
Liridon Krasniqi ka luajtur gjatë karrierës së tij në Europë dhe në Azinë e Largët. Ai është pjesë e klubit të futbollit të Malajzisë Johor.
