Tifozët e Barcelonës mund të ëndërrojnë për ribashkimin e shumë përfolur të treshes së frikshme të sulmit, Mesi-Suarez-Nejmar. E pagëzuar si “MSN”, ky është edhe objektivi i klubit katalunjas. Por deri kur kjo të ndodhë, tre futbollistët janë bërë bashkë në Uruguaji, ku kanë festuar përvjetorin e dhjetë të martesës së Luis Suarez.
Pavarësisht largimit të sulmuesit brazilian nga Barcelona, raportet e tij me ish-shokët kanë mbetur të shkëlqyera. Kjo konfirmohet edhe nga foto e fundit e tre lojtarëve që po bën xhiron e botës dhe ka ndezur më shumë endrrat e tifozët “blaugrana”, ashtu si edhe zërat e merkatos.
Ndërkohë, në festën e madhe dhe luksoze të organizuar nga Luis Suarez morën pjesë edhe shumë prej lojtarëve të tjerë të Barcelonës.
