Brescia po kalon një moment shumë të vështirë, teksa në 6 ndeshjet e fundit kanë marrë 6 humbje.
Tre humbje në po kaq ndeshje për Fabio Groson, i cili mori drejtimin e ekipit vetëm pak javë më parë. Pikërisht ish-futbollisti i Juventusit ka marrë edhe irritimin e tifozëve, të cilët në ndeshjen e fundit ndaj Atalantës, në kor kanë kërkuar largimin e tij.
Dëshira e tifozëve është të rikthehet përsëri Korini, i cili u shkarkua rreth një muaj më parë në 3 nëntor. Sipas asaj që shkruan “Sky Sport” diçka e tillë mund të ndodhë, madje tashmë drejtuesit e klubit po mendojnë shkarkimin e Grosos nga stoli i skuadrës. 
Sipas raporteve të fundit, në pankinë nuk do të vijë një emër i ri, por drejtuesit po mendojnë përsëri rikthimin e Korinit në krye të skuadrës, duke iu plotësuar kështu edhe tifozëve një dëshirë.
