Arsenali prej kohësh është në kërkim të një trajneri, pas shkarkimit të Unai Emeri për shkak të rezultateve të dobëta.
Shumë emra kanë qarkulluar se mund të marrin drejtimin e “Topçinjve”, me këta të fundit që kanë nisur kontaktet me një spanjoll. Drejtuesit e Arsenalit janë takuar me ish-trajnerin e Valencias, Marselino Garsia Toral, ku i kanë propozuar drejtimin e ekipit.
Marselino u largua nga drejtimi i Valencias në shtatorin e këtij viti, dhe tashmë e ardhmja e tij mund të jetë në Premier Ligë. Spanjolli e shikon me sy të mirë kalimin te Arsenali, dhe thuhet se tani ka nisur të mësojë anglishten.