Vjen barazimi i dytë radhazi për Interin dhe këtë herë, pas Atalantas, është Leçe ajo që merr një pikë ndaj zikaltërve. Meritë e skuadrës së Liveranit që në pjesën e dytë pas golit të pësuar nga Bastoni, reagoi me Mancosu dhe madje iu afrua edhe golit të dytë me Falco (u ndal nga shtylla).
Skuadra e Contes dominoi në pjesën e parë dhe Brozovic goditi shtyllën, teksa pati edhe polemika në fund të 45′ e para me një penallti të akorduar për prekje me dorë të Sensit dhe më pas të anuluar nga VAR. Interi shkon 47 pikë dhe në vend të dytë.
