Napoli po mundohet që në merkaton e janarit të firmos me disa futbollistë cilësor për të përballuar pjesën e dytë të sezonit.
Pas Diego Demme, drejtuesit e klubit italian i kanë bërë një tjetër dhuratë në merkaton e janarit trajnerit Gennaro Gattuso, pasi kanë arritur të transferojnë edhe mesfushorin sllovak Stanislav Lobotka. Zyrtarizimi erdhi pasditen e sotme nga presidenti i të kaltërve Aurelio De Laurentiis, që i uroi mirëseardhjen mesfushorit, ndërsa edhe vetë Lobotka postoi një foto ku shkruante: Në Napolin e Marek Hamsik.
Transferimi i Lobotkës i ka kushtuar Napolit 20 milionë euro dhe 2-3 të tjera që do t’ia paguajë Celta Vigos në formë bonusi, ndërsa mesfushori ka nënshkruar një kontratë të vlefshme deri në verën e 2024-ës me pagë 2 milionë euro në sezon.
Labotka është një mesfushor impulsiv që ngjason me aftësitë e Gennaro Gattusos kur luante për Milanin.
