Milos Kostiç drejtoi Luftëtarin në kupat e Europës dhe në katër ndeshje në kampionat në 2018-ën, por nuk la një shije të mirë te drejtuesit gjirokastrit.
Pas zhgënjimit në kupat e Europës, tekniku slloven dështoi me Luftëtarin edhe në kampionat. Në 4 ndeshje të zhvilluara në Kategorinë Superiore, Kostiç regjistroi 4 humbje, dhe kjo solli edhe shkarkimin e tij nga stoli i gjirokastritëve. Megjithatë tashme tekniku 48-vjeçar ka nisur një aventurë të re tek skuadra belge St. Truiden.
Këta të fundit bëjnë pjesë në elitën e kampionatit belg, ku renditen në vendin e 11-të me 23 pikë. Objektivi i St. Truiden është të kualifikohen në kupat e Europës, dhe drejtuesit besojnë se me Kostiç në krye të ekipit do ia dalin.