Menjëherë pasi KAS-i i zhbllokoi Çelsit merkaton e janarit, nga Londra lajmërojnë se blutë kanë plane të rëndësishme këtë dimër dhe bëhet fjalë për emra të mëdhenj.
Në listën e trajnerit Frenk Lampard spikat edhe ai i mbrojtësit të majtë të Bajernit të Mynihut, David Alaba. Austriaku, i cili luan në Bavari prej vitit 2008 dhe ka një kontratë deri në 2021-shin, është një lojtar i cili sipas Lampardit do të blindonte korsinë e majtë.
Për 27- vjeçarin, tabloidi “Mirror”, nënvizon se Çelsi i ka bërë Bajernit një ofertë prej 70 milionë eurosh, e cila po vlerësohet me kujdes. Fundja kanadezi Dejvis ka nisur të shkëlqejë dhe mund ta mbushë bindshëm boshllëkun e Alabas.
