Reali i Madridit duket se po përgatit një lëvizje të bujshme që do të finalizohet në merkaton e verës. Sipas asaj që shkruan “El Desmarque”, klubi madrilen ka gati 80 milionë euro për të transferuar Timo Werner.
Gjermani shihet si njeriu ideal për të pasuar Benzema, pasi Jovic nuk po bind. Për shërbimet e Werner interesohen dhe Bayern Munchen apo Chelsea, por “Los Blancos” duket se e kërkojnë me çdo kusht ta kenë në “Santiago Bernabeu”. 23-vjeçari po kalon një sezon magjik, teksa në 17 javë në Bundesligë ka shënuar plot 18 gola.
