Mançester Junajtid dhe Çelsi po tentojnë t’i prishin mendjen sulmuesit uruguajan Edinson Kavani që të mos firmosë për Atletiko Madridin.
Pavarësisht, se 32-vjeçari ka arritur akordin me klubin spanjoll, mediat franceze shkruajnë se “Djajtë e Kuq” i kanë kontaktuar Kavanit për të veshur fanelën e tyre sezonin e ardhshëm duke premtuar se do të kualifikohen për në Ligën e Kampioneve, ndërsa Çelsi ka bërë vetëm një kërkesë formale në adresë të PSG-së.
Por, nga ana tjetër, Kavani duket se do të përshpejtojë proçesin e largimit nga Parisi, teksa flitet se pritet të takohet me drejtorin e klubit parizien Leonardo për t’i kërkuar mbylljen e kontratës që në muajin janar në mënyrë që klubi francez të përfitojë një sasi parash nga shitja e tij pasi në qershor atij i skadon kontrata dhe bëhet lojtar i lirë.
