Prej kohësh qarkullonin lajme se Shkëndija e Tetovës ishte e interesuar për mesfushorin, Valon Ahmedi, teksa ditën e sotme ka ardhur edhe zyrtarizimi për këtë afrim.
Tetovarët ishin në kërkim të një lojtari të niveli të lartë, dhe për këtë arsye nisën kontaktet me mesfushorin 25-vjeçar.
Ahmedi ka zgjedhur të vazhdojë karrierën me Shkëndijën, pas disa eksperiencave me skuadra si Kajrat Shmona në Izrael apo edhe Inter Zapershiç në Kroaci.
Një afrim i rëndësishëm ky për ekipin e Ernes Gjokës, të cilët pas vështirësive që kaluan në fillim të sezonit, tashmë janë kthyer te rezultatet pozitive dhe synojnë përsëri titullin kampion.
Drejtuesit e klubit dhe mesfushori ofenziv kanë gjetur akordin për bashkëpunim në 3.5 vitet e ardhshme dhe pas firmosjes së kontratës lojtari tashmë zyrtarisht është pjesë e kuqezinjëve.
