Sulmuesi uruguajan Edinson Cavani mund të transferohet te Manchester United, këtë janar ose në merkaton e verës, kur do të jetë futbollist i lirë. Lajmin e ka konfirmuar “Manchester Evening News”, që shprehet se “djajtë” kanë nisur kontaktet me sulmuesin, që aktualisht luan me PSG.
Kontrata e Cavani me kampionët e Francës skadon më 30 qershor dhe prej kohësh përflitet se 32-vjeçari do të largohet. Largim që kushtëzohet edhe nga ardhja e Mauro Icardi te PSG-ja verën e kaluar.
Cavani është golashënuesi më i mirë në historinë e PSG-së, një përforcim me vlera prë Manchester United pavarësisht moshës së tij. Gjasat janë që kjo marrëveshje të mbyllet në korrik, kur lojtari do të largohet me parametrin zero.
