Inter do të luajë ditën e sotme në orën 12:30 ndaj Cagliarit në “San Siro”, ku do të provojë të rikthehet te fitorja, pas dy barazimeve radhazi ndaj Atalantës dhe Leçes.
Në kuadër të takimit, Conte i ka idetë e qarta, teksa pritet që t’i japë një fanellë titullari afrimit të ri, Ashley Young. Ish-lojtari i Manchester United, së bashku me Biraghin do të mbulojnë krahët. Në qendër të mbrojtjes rikthehet titullar Bastoni, i cili në sfidën e fundit e nisi nga stoli.
Borja Valero luan në mesfushë në vend të Brozovic, me spanjollin që do të ketë mbështetjen e Barellas dhe Sensit. Në sulm të zakonshmit Lautaro-Lukaku. Telesport