PSG ka pranuar largimin e Edinson Cavanit nga skuadra franceze. Ekipi kampion i Francës donte të mbante sulmuesin kryesor deri në fund të sezonit, por uruguiani nuk dëshiron të qëndrojë duke qenë se humbi pozicionin e titullarit kundrejt Mario Icardit.
Shtatlarti dëshiron të kalojë te skuadra e Atletico Madridit. “El Cholo” e pret me padurim lojtarin, pasi ka vuajtur në sulm këtë sezon. Joao Felix nuk po justifikon shifrën e paguar prej madrilenëve dhe drejtuesit duan lojtarin.
Francezët nga krahu tjetër kanë gjetur menjëherë zëvendësuesin e tij. Ata duan të afrojnë në skuadër sulmuesin e Arsenalit, Aubameyang. Gabonezi nuk dëshiron që të qëndrojë më tek anglezët, pasi nuk luan as në Europë. Afrikani ia ka bërë të qartë drejtuesve që do të largohet. Telesport
