E diela e sotme ka qenë e mallkuar për Interin.
Sikur të mos mjaftonte barazimi 1-1 i marrë në shtëpi kundër Cagliari-t, zikaltrit nuk do ta kenë në dispozicion Lautaro Martinez për ndeshjen e ardhshme të kampionatit kundër Udinese-s, por ai mund të mungojë edhe në derbin kundër Milan-it.
Argjentinasi, në fakt, është ndëshkuar me karton të kuq në fund të takimit për protesta dhe fyerje ndaj arbitrit të ndeshjes dhe rrezikon të skualifikohet për të paktën dy ndeshje. Tani topi i kalon gjykatësit sportiv, i cili do ta marrë vendimin e tij në fillimin e javës së ardhshme.
Në momentin e daljes së yllit të Inter-it nga fusha, telekamerat kanë kapur një tifoz të ri të zikaltërve, i cili ka shpërthyer në lot, teksa babai i tij mundohej ta ngushëllonte.