“David Silva është pak bastard”, ka thënë Pep Guardiola.
Siç ka bërë të ditur Goal.com, trajneri i Manchester City-t ka folur për kapitenin e skuadrës angleze, i cili do t’i thotë lamtumirë Premier League në fundin e këtij sezoni.
“Do të them diçka që David Silva e ka: respektin e kolegëve profesionistë, shokëve të skuadrës, rivalëve dhe trajnerëve të tij. Dhe e ka merituar ka thënë Guardiola për spanjollin.
“Ai është pak bastard, ky është përkufizimi perfekt i Mendibilar (trajneri i Eibar-it, i pari që përdori këto fjalë për të përshkruar David Silva)”.
“Mund të themi se e ka mësuar futbollin e tij në rrugë, si të ishte gjatë gjithë kohës i kërcënuar. Futboll i tipit ‘Vetëm njëri do të fitojë këtu’. Nuk mund të kuptohet madhështia e David dhe të gjitha cilësitë që ka nëse nuk e njeh”.
