Kërkimet për avionin e zhdukur me të cilin udhëtonte sulmuesi i Cardiff-it, Emiliano Sala, janë ndërprerë përfundimisht ditën e sotme.
Policia e Gurnesy ka bërë një komunikatë publike në lidhje me vendimin e marrë, në të cilën thuhet:
“Mundësitë për një rikuperim janë shumë të vogla në këtë pikë. Pavarësisht sforcimit maksimal dhe kërkimeve që kanë mbuluar një hapësirë prej 4.400 kilometrash katrorë, ne nuk kemi arritur të gjejmë asnjë gjurmë të avionit, pilotit dhe pasagjerit”.
Një nga pilotët e avionëve të kërkimit, Mike Tidd, ka thënë për ITV News se “nuk ka asnjë shans” për të gjetur Sala ose pilotin e avionit të zhdukur.