Dëshira e madhe e Rei Manajt ishte për t’iu bashkuar ekipit të parë të Barcelonës.
Sulmuesi shqiptar e ka pranuar këtë në një intervistë të dhënë para pak ditëve, duke u shprehur se dëshironte që të kishte aq fat sa për të përmbushur ëndrrën.
Por nuk ka kaluar shumë dhe vjen lajmi i bujshëm nga Spanja. Manaj është thirrur nga trajneri Setien përkrahë yjeve si Mesi dhe Grizman, duke u stërvitur me pjesën tjetër të skuadrës.
Tashmë pritet që futbollisti i Shqipërisë të ketë hapësirën e tij në përballjen e Kupës ndaj Leganesit.
Setien ka marrë edhe 4 lojtarë të tjerë nga të rinjtë për t’i pasur në organikë për ditën e nesërme.
