Zllatan Ibrahimoviç i kërkon Milanit që të vuajë për të siguruar rezultatet pozitive.
Suedezi nuk arriti të shënonte në rikthimin e tij ndaj Sampdorias (0-0) në “San Siro” pas 7 vitesh, por beson se do t’ia dalë në takimin e ardhshëm. 38-vjeçari thekson se ekipit i mungon besimi dhe agresiviteti në fushë.
“Milani nuk shënon që prej 8 dhjetorit? Në fazën e fundit të lojës na mungon besimi dhe agresiviteti. Jemi pak të përqëndruar në zonën e kundërshtarit, duhet të kuptojmë se çfarë të japim nga vetja. Kam qenë këtu për 3-4 ditë dhe do ta ndihmoj Milanin në çdo mënyrë. Ju e shikoni që këtu mungon besimi.
Leao humbi rast të mirë për të shënuar? Ia shpjegova se çfarë lëvizje duhej të bënte dhe se si duhet të sillemi ne kur ai të marrë topin. Ne po punojmë dhe po stërvitemi, tani duhet të vuajmë. Normale që tifozët janë të pakënaqur me ne, sepse rezultatet nuk kanë qenë pozitive.
Si e përjetova ndeshjen sot? Jam shumë i ekzaltuar. Doja që të shënoja, por të shohim për ndeshjen tjetër”, përfundoi Ibrahimoviç.
