Humbja e parë e regjistruar për vitin e ri 2020 të Tottenham duket se nuk i ka lënë një shije të mirë trajnerit Jose Mourinho.
Gjatë ndeshjes ditën e djeshme ai u ndëshkua me karton të verdhë pasi shkoi në pankinën e Southamptonit dhe po shikonte se çfarë po shkruante njëri prej drejtuesve të skuadrës.
Fillimisht ai debatoi me ta pasi u anulua goli i Harry Kane, ku më pas iu afrua dhe stolit të skuadrës kundërshtare.
Gjyqtari i takimit e ndëshkoi teknikun me karton të verdhë për sjellje të pahijshme.
Por Jose Mourinho duket se nuk është i penduar fare për veprimin e tij por më e pikant ishte dhe deklarata e tij.
Ai tha për BT Sport: “Unë isha i pasjellshëm. Por unë isha i pasjellshëm me një idiot. Unë e meritova qartë kartonin e verdhë”.
Skuadra e “The Special One” humbi me shifrat 1-0, një rezultat ky që e dërgon në vendin e 6 në renditje në kuotën e 30 pikëve.
