Nuk ka më dyshime, Juventusi dhe PSG kanë arritur marrëveshjen mes tyre. Shkëmbimi i Kurzawas dhe De Sciglios është thjeshtë çështje orësh. Francezi do t’u bashkohet kampionëve të Italisë, ndërsa italiani do t’u bashkohet kampionëve të Francës.
Gazetari Fabricio Romano shkruan në profilin e tij në Twitter se marrëveshja mes palëve është arritur dhe nuk ka më asgje për t’u diskutuar. Ata do të shkëmbejnë lojtarët dhe janë dakordësuar dhe detajet e këtij operacioni. Të dy lojtarët kanë qenë dakord për të ndryshuar ambient se nuk kanë pasur shumë hapësira në këtë fillim viti.
