Trajneri i Newcastle, Steve Bruce, shpreson që të rrëmbejë në skuadër sulmuesin e Milanit, Krzysztof Piatek. Afrimi i Zlatan Ibrahimovic mund të shtyjë drejt largimit sulmuesin polak. 24-vjeçari nuk ka arritur të lërë gjurmë këtë gjysmë sezoni, pasi ka shënuar vetëm 4 gola në 17 ndeshje me Milanin.
Atmosfera në Milano nuk është më e mira për të dhe Milani do që ta largojë. Newcastle mund të jetë shpëtimi i tij me Piatek që mund të huazohet me një opsion blerje në fund të sezonit. Ibra duket se do të ketë rolin e titullarit te “Djalli” dhe polaku nuk pranon stolin.
Piatek u ble me shpresa të mëdha nga Genoa sezonin e kaluar për 30 milionë euro. Ai bëri mirë në ndeshjet e para te Milani, por në sezonin e dytë me fanellën kuqezi ka humbur krejtësisht.